Sælar skvísur og takk fyrir síðast!
Ákvað að breyta til og skrifa inn á síðuna okkar :). Síðustu daga hefur verið allt alltof mikið að gera hjá mér. Fyrsta skóladaginn minn komst ég að því að námið mitt væri í frekar miklu fokki, sem var mjög hressandi að frétta eða hitt þó heldur. Ég er ekki enn búin að taka endanlega ákvörðun um hvernig ég hef þetta allt saman. Það eru eiginlega of mörg tækifæri í boði sem gera það að verkum að erfitt er að velja og svo fylgja of margir ókostir þeim öllum. Ég er enn á fullu í vinnunni en er nú samt farin að sjá fyrir endann á henni. Það sem ég var að gera í sumar verður kynnt á ráðstefnu í Austurríki 7. september og einnig birt grein í kjölfarið í einhverju biomedical engineering blaði. Í dag var ég á skurðdeild LSH að horfa á aðgerðir. Horfði á eina bakflæðisaðgerð og aðra þar sem verið var að fjarlægja æxli úr kviðarholi. Í seinni aðgerðinni þurfti að gera skurð þvert yfir allan magann á sjúklingnum og svo var teygt eins mikið á opinu eins og hægt var (hljómar vel ekki satt :/). Já og svo kíkti ég rétt á nokkrar aðrar aðgerðir. En þetta var ekkert smá gaman að sjá þetta og ekki síður gaman að sjá öll tækin, verst að maður mátti ekki fikta. Já ég hélt alltaf að það væri rosalega nákvæmnis vinna að framkvæma skurðaðgerðir en ég komst að því að svo er ekki alltaf, það er nefnilega ekki svo naugið hvar er skorið því flesta allt grær fljótt.
Varðandi saumaklúbb þá geri ég ráð fyrir að hann verið einhvern tímann í kringum 12. september.
En ég bið að heilsa ykkur í bil, þarf að fara að halda áfram að vinna :D.

Fjola posted@ 9/02/2004 02:38:00 e.h..