Þá er komið að því ! Búin að tjasla sjómannadagsvídjóinu saman. Myndbandið er 18 mínútur að lengd og verður frumsýnt í næsta saumaklúbbi. Líkt og á heldri frumsýningum verður bannað að hafa poppkorn þar sem það gæti truflað þær undurfögru raddir sem vidjóið hefur að geyma. Leikendur eru ekki af verri endanum og koma frá GRS acting group en í GRS acting group eru aðeins leikarar sem hafa upphafstafina G, R eða S.

Vidjóið er frumraun leikstjórans og er í sver sig í ætt við heimildamyndagerð á borð við ,,Íslenski lundinn" og ,,Hagamúsin". Fylgst er með æsispennandi alíslenskri róðrakeppni þar sem keppnisandinn svífur yfir vötnunum. Má segja að spennandi verður að fylgjast með upprennandi leikurum og leikstjóra í framtíðinni en margir þeirra hyggjast reyna fyrir sér á erlendum vettvangi í nánustu framtíð.

sylvia posted@ 7/25/2005 11:58:00 e.h..